مكافحة النمل الأبيض نهائيًا بضمان 3 سنين | معاينة مجانية

النمل الأبيض مش مجرد حشرة بتزعجك، ده خطر صامت بياكل في بيتك وإنت مش واخد بالك. والأخطر إن الحل مش في رشة سريعة، لكن في معرفة الإصابة بدري وعلاجها من جذورها قبل ما الخسارة تكبر وتكلّفك أضعاف
لو بيتك أو شقتك أو محلك في القاهرة أو الجيزة وشاكك في أي علامة متستناش لحد ما الخشب يتفتت في إيدك | كشف مبدئي من المركز البيولوجي الالماني دلوقتي ممكن يوفر عليك آلاف الجنيهات بعدين

الخلاصة في دقيقة :

• إيه هو النمل الابيض ؟ حشرة بتتغذى على السيليلوز اللي في الخشب والورق والكرتون والقماش وبتعيش في مستعمرات ضخمة غالبًا تحت الأرض وهو مش نمل عادي 
• علامات الإصابة: أنفاق طينية على الحيطان خشب بيطلع صوت فاضي لما تخبط عليه، جناحات مرمية قرب الشبابيك، وبوية بتنتفخ أو بتتقشر من غير سبب
• أخطر الأماكن: الأماكن الرطبة  زي أساسات البيت، وتحت الشبابيك والأبواب الخشب، وجنب الحمامات والمطابخ، وأي خشب ملاصق للأرض.
• الحل الفعال: رش النمل الابيض والطُعوم اللي بتقضي على المستعمرة كلها، مع علاج الخشب المصاب. الرش السطحي بيخفي الأعراض بس.
• امتى تتصل بشركة مكافحة النمل الأبيض؟ أول ما تشوف أنفاق طينية أو أسراب بالجناحات، أو لو الإصابة رجعت بعد رش النمل الابيض المعاينة بتحدد حجم المشكلة قبل ما تتكلف

إيه هو النمل الأبيض وليه خطير على البيت؟

• النمل الأبيض مش نمل أصلاً ده حشرة أقرب للصراصير
• بيتغذى على السيليلوز الموجود في الخشب والورق والكرتون والقماش
• ضرره صامت لأنه بيشتغل من جوه المواد ومش بيظهر على السطح، فبيكبر وينتشر قبل ما تشوفه بوقت طويل
• خطره كبير على الأسقف والأبواب والأرضيات الخشب اللي بتضعف وتتآكل من جوه، وكمان على أسلاك الكهربا اللي ممكن يقرض عزلها ويعرضها للتلف

الفرق بين النمل الأبيض والنمل العادي

الاتنين شبه بعض في الشكل العام بس الفرق بينهم كبير في الجسم والضرر أسهل علامة تفرق بيها هي الوسط: النمل العادي وسطه رفيع زي الخصر، والنمل الأبيض جسمه مستقيم من غير خصر واضح

علامات وجود النمل الأبيض في البيت

1. أنفاق طينية على الحيطان
   خطوط طينية رفيعة بتطلع من الأرض لحد الحيطان أو الأسقف، والنمل الأبيض بيبنيها عشان يتحرك جواها بعيد عن الضوء والهوا.
2. خشب بيطلع صوت فاضي
   لما تخبطي على الباب أو الدولاب أو الأرضية الخشب وتسمعي صوت مفرّغ، ده معناه إن الخشب اتاكل من جوه وسايب القشرة بس.
3. جناحات مرمية قرب الشبابيك
   في موسم الأسراب بتلاقي جناحات صغيرة شفافة متجمعة عند الشبابيك والأبواب والأنوار. الأجنحة دي بتتساقط بعد ما الحشرة تطير وتلاقي مكان تبني فيه مستعمرة جديدة.
4. فتات خشب شبه النشارة
   حبيبات صغيرة ناعمة بتتجمع تحت الأخشاب المصابة أو قدام فتحات صغيرة فيها، وده بيبقى مخلفات النمل الأبيض.
5. بوية بتتنفخ أو بتتقشر
   لو الدهان على الحيطان أو الخشب بدأ يتنفخ أو يتقشر من غير سبب واضح زي الرطوبة، ممكن يكون النمل الأبيض شغال تحته.
6. أبواب وشبابيك بتتقفل بصعوبة
   الخشب المصاب بيتشوّه وبيتغير شكله، فالضلفة بتبقى تقيلة أو بتتحشر في الحلق.
7. أرضيات بتتموج أو بتطلع صوت لما تمشي عليها
   البركيه أو الأرضيات الخشب اللي بتتنفخ أو بتنخفض في أماكن معينة علامة إن اللي تحتها اتضرر.
8. نمل طيار حوالين الأنوار بالليل
   لو لقيتي حشرات طايرة بتتجمع حوالين اللمبات وبتسيب جناحاتها، يبقى فيه مستعمرة ناضجة قريبة من بيتك.

• لو لاحظت واحد من العلامات دي متستناش لحد ما يكبر الضرر وكلم شركة مكافحة النمل الأبيض للمعاينة 01080077114

طرق مكافحة النمل الابيض في المركز البيولوجي الالماني

مكافحة النمل الابيض مش رشة وخلاص هي خطوات مترتبة تبدأ بالمعاينة وتنتهي بابادة النمل الابيض وكتير من الناس بتدور على رش النمل الأبيض كحل سريع لكن الرش السطحي لوحده مبيوصلش للمستعمرة ولازم يتكمل بطرق تانية والاختيار بينها بيعتمد على نوع الإصابة ومكانها وحالة المبنى والجدول ده بيلخصلك الطرق الأساسية

1\ الفحص والمعاينة

الفحص هو أهم خطوة في مكافحة النمل الأبيض لأن العلاج الغلط على مكان غلط بيضيّع فلوسك ووقتك والمتخصص مبيبدأش رش النمل الابيض أبداً هو الأول بيحدد الإصابة وحجمها

وفي الآخر بتطلع بتقرير واضح بيقولك حجم الإصابة ومكانها والطريقة المناسبة في مكافحة النمل الأبيض

2\ معالجة التربة (الحاجز الكيميائي)

دي أشهر طريقة وفكرتها إنك تعمل حاجز من مبيد سائل في التربة حوالين المبنى وتحته فأي نمل أبيض بيحاول يعدي منه بيتأثر وبيرجع للمستعمرة بالمادة

• بتتعمل خنادق ضيقة حوالين أساسات المبنى وبتتروي بالمحلول
• في الأرضيات الخرسانية بيتعمل حقن من خلال فتحات صغيرة
• بنستخدم مبيدات من النوع غير الطارد عشان النمل مايحسش بيها ويعدي منها بدل ما يتجنبها

والنوع غير الطارد مهم جداً لأن المبيد الطارد بيخلي النمل يغيّر طريقه ويدخل من مكان تاني

3\ الطعوم وإزاي بتقضي على المستعمرة كلها

الطعم بيعتمد على سلوك النمل الأبيض الجماعي العاملين بياخدوا الطعم ويوزعوه على باقي المستعمرة بالتغذية المتبادلة وبكده بيوصل للملكة والجنود والصغار اللي عمر الرش ما كان هيوصللهم

والمادة الفعالة في الطُعوم بتمنع الحشرة من تكوين الجلد الخارجي في مرحلة التبديل فبتموت تدريجياً وده بيديها وقت تنقل المادة لباقي المستعمرة قبل ما تتأثر

4 \ الحقن داخل الخشب والجدران

لما الإصابة تكون جوه الحيطان أو الخشب نفسه بنحتاج علاج موضعي يوصل للمكان ده بالظبط

• حقن الجدران بنعمل فتحات صغيرة في الحيطان المصابة ونحقن فيها مادة بتغطي مسارات النمل
• حقن الخشب بنحقن الأبواب والحلوق والدواليب المصابة بمادة بتقتل اللي جواها وبتحمي الخشب بعد كده
• المعالجة السطحية للخشب بتتعمل كطبقة حماية للأخشاب السليمة اللي جنب الأماكن المصابة

وبعد الحقن بنقفل الفتحات ونرجع الشكل زي ما كان

5 \ المعالجة قبل البناء (للي بيبني)

لو بتبني بيت جديد أو محل فده أرخص وقت تحمي فيه المبنى لأن الحاجز بيتعمل والأرض مكشوفة

المعالجة قبل البناء بتوفر عليك علاج أغلى بعد كده وبتدّي المبنى حماية من أول يوم وبيفضل مفعولها لمدة بتختلف حسب المادة ونوع التربة ولازم تتجدد بالمتابعة

6 \ المواد المستخدمة وأمانها على الأطفال والحيوانات

إحنا في المركز البيولوجي الألماني شركة مكافحة النمل الأبيض في القاهرة والجيزة وبنستخدم مواد ألمانية معتمدة ومصممة تكون آمنة على الأطفال والحيوانات الأليفة لما تتطبق بالطريقة الصح على إيد فنيين متخصصين

والأمان بيعتمد على التطبيق الصح مش على المادة بس فاللجوء لمتخصص أأمن بكتير من استخدام مبيدات عشوائية في البيت

اسعار مكافحة النمل الابيض

سعر مكافحة النمل الأبيض مش ثابت لأنه بيتحدد حسب حالة المكان

المعاينة مجانية والتسعير بعد المعاينة

في المركز البيولوجي الألماني الفني بيعاين المكان من غير أي التزام ويحدد نوع الإصابة وحجمها وبعدها بنقولك السعر النهائي وطريقة العلاج المناسبة

للتعرف على باقات المركز ادخل على صفحة الباقات والأسعار أو كلمنا على واتساب ونرشحلك الأنسب لحالتك

اقرأ ايضا : شكل البق بالصور وأهم العلامات التي تكشف وجوده
أضرار الصراصير على الصحة وكيفية الوقاية منها

أسئلة شائعة عن رش النمل الابيض

 ما هو أفضل حل للتخلص من النمل الأبيض؟

 أفضل حل هو الوصول للمستعمرة نفسها مش قتل النمل اللي شايفه وده بيتم بمعالجة التربة حوالين المبنى أو بالطُعوم اللي بتنقل المادة الفعالة لباقي المستعمرة مع حقن الخشب والجدران المصابة والرش السطحي لوحده بيهدّي المشكلة فترة وبعدين ترجع

ما هو أفضل مبيد للنمل الأبيض؟ 

مفيش مبيد واحد هو الأفضل لكل الحالات لأن الاختيار بيعتمد على نوع النمل ومكان الإصابة وحالة المبنى لكن المبيدات المناسبة غالباً بتكون من النوع غير الطارد عشان النمل مايحسش بيها ويعدي منها ويرجع للمستعمرة بالمادة ومهم تتطبق على إيد فني متخصص لأن الكمية والمكان الصح هما اللي بيحددوا النتيجة وأمان الأطفال والحيوانات

ما هي الرائحة التي يهرب منها النمل؟ 

الخل والقرفة والنعناع والليمون من الروائح اللي بيتقال إنها بتبعد النمل العادي لكن النمل الأبيض حاجة تانية فالرائحة مش بتقضي عليه لأنه عايش في مستعمرة تحت الأرض أو جوه الخشب وأقصى حاجة ممكن تعملها الروائح إنها تبعده عن مكان صغير مؤقتاً من غير ما تلمس المستعمرة

ما سبب وجود النمل الأبيض في البيت؟ 

أهم الأسباب الرطوبة وتسريبات المياه والأخشاب الملاصقة للأرض أو الحيطان الرطبة والبناء على أرض زراعية والطوب اللبن والمباني القديمة وكمان الأساسات اللي مااتعالجتش ضد النمل الأبيض قبل البناء وكل سبب منهم بيديله إما غذاء أو رطوبة أو طريق سهل للدخول

خلاصة مقال مكافحة النمل الأبيض

النمل الأبيض بيأكل الخشب من جوه وضرره بيكبر في صمت قبل ما تشوفه
رش النمل الابيض الصح بتوصل للمستعمرة نفسها بمعالجة التربة والطُعوم والحقن مش رش النمل الابيض السطحي لوحده
الكشف المبكر بيوفر عليك خسارة كبيرة وتكلفة علاج أعلى

عندك شك في إصابة؟